Aizawl: The Poynter Institute leh Kolkata a US Consulate tangkawp chuan May 2 leh May 9, 2017 hian a thlawnin India journalist te tana social media hmanga journalism tihchak dan training a buatsaih dawn a. Tunlai technology thar leh social media hrang hrangte \angkai leh zau zawka hman dan inzirtir a ni ang. Zalen thudawn danin he training hi internet kaltlanga zirtirna (webinar) hmanga neih a ni ang a. American journalism instructor hmingthang takten zirtirna an pe dawn a. Training-ah hian Guwahati leh Kolkata hnaih state te atangin mi 50 ve ve an tel thei ang a, a tel tur te hian topoy.nu/guwahatisocial-ah leh topoy.nu/kolkatasocial-ah te application theh luh tur a ni a, he application process hmang hian a tel turte thlan an ni ang. He training hi a thlawna neih tur ni mah se training turte hian an kalna senso leh an riahna tur an intum ve thung a ngai dawn a ni. He training ah hian ‘creating a social media strategy’ tih leh ‘become a social media ninja’ tih thupui hmangin American journalism & multimedia instructor Al Tompkins leh Joy Mayer, Missouri School of Journalism ten zirtirna an pe dawn a ni. Tel tum te hian April 26, 2017 hmaa tihfel vek tur nia thudawn a ni. Training hi American Center Library, Jawaharlal Nehru Road, Kolkata ah leh Gauhati University ah te neih tura ruahman a ni.