ZALEN September 1, 2026: Mamit, Lawngtlai leh Lunglei District-te tana hman tur Electronic Vaccine Carrier 30 (sawmthum) chu SELCO Foundation chuan vawiin khan Health Minister Office Chamber, MINECO-ah Health department changtu Minister Lalrinpuii kaltlangin Mizoram sawrkar hnenah an hlan.

Health department changtu Minister Lalrinpuii chuan, SELCO Foundation-te hian health centre 530-ah solar energy an dah tawh a, Aizawl-ah 10 MT walk-in cooler an siam sak tawh bakah, vawiinah Electronic Vaccine Carrier 30, district 3-te hman tur an pe leh ta chu lawmawm a tih thu a sawi a. Heng EVC-te hi Health & Wellness leh Sub-Centre-te awm lohna hmuna nu leh naupangte tan hri laka himna leh hriselna thlentu a nih ngei a beisei thu a sawi.  

SELCO foundation-in Mizoram sawrkar an hlan tak EVC-te hi ken kual awlsam leh zangkhai, solar hmang niin, pakhat hi cheng nuai 1 leh sing 5 man a ni.