Hmeichhe cricket world cup khelh mekah South Africa chuan Pakistan chu run 6 a hnehin dinhmun tha takah an chuang kai. 
   

South Africa nu ho hian vaw hmasain Laura Wolvaardt-i chuan run75 siamin, Sune Luus-i’n run  62 a vuak chhuah zarah mi 9 out-in run 223 an siam thei a, South Africa nula ho run hmuh hi umphak ngei tumin Pakistan hovin tan an la a, theih tawp an chhuah hnuah wicket 4 la bangin over 6 la awm tihah run 52 vuak chhuah an la mamawh. 
   

Nida Dar leh Diana Baig ten theih tawp an  chhuah chungin an tum an hlen phak lo va, run 10 chiah an mamawh tawh mahse over 49-ah out fai vekin run 217 chiah an vaw chhuak thei. 
   

Tihian South Africa team te hian match hnih khelhah tum hnih chak tawhin naktuk hian tum hnih tlawm tawh England team an hmachhawn ang.         Pakistan tan hian Omaima Sohail chuan run 65 a vaw chhuak a, Nahida Khan-i’n run 69 leh Dar ten run 49 an vaw chhuak. 
   

He inkhelh tan tirh lamah hian South Africa hi an che tha lo hle a, run 10 lek an la hmu tihin wicket pathum an hloh der tawh a, mahse a tawp lamah an rawn chetha chho leh a ni.