ZALEN November 15, 2025 : National Institute of Technology (NIT) Mizoram-a Department of Engineering Assistant Professor Dr. Ricky Lalthazuala chu November 19-22, 2025-a 13th International Symposium on Steel Structures & 14th Pacific Steel Structures Conference (ISSS-PSSC 2025)-ah India aiawhin a tel dawn.

13th International Symposium on Steel Structures & the 14th Pacific Steel Structures Conference (ISSS-PSSC 2025) hi Jeju, South Korea-ah neih tur a ni a, he conference hi khawvel hmun hrang hranga atanga engineer thiam bikte intawhkhawmna hun niin, steel structures lama zirchianna leh hmasawnna tharlam ber ber te sawiho a ni dawn a ni.

Dr. Ricky Lalthazuala hi November 20, 2025-a intawhkhawmnaah Session Chairman a ni dawn a, he international conference a sawm a nih chhan hi a mimal theihna leh inpekna piah lamah Mizoram NIT tana research leh zirna lama a thawhhlawk vang a ni.