Aizawl: Nimin khan Lunglei Thalai Pawl leh zirlai eng emaw zatin Lunglei SP atanga transfer J.Lalthafamkima chhuak tur chu chhuah phal lovin an dang a, Police ten manin a hnuah PR Bond hmanga chhuah leh an ni. Zalen-in Lunglei atanga thu a dawn danin Lunglei Thalai Pawl te hian PWD SE C.Lalchhuana suspend ve an phut a, SEC hi suspend ve a nih hma chu chhuah an remti lo a, mahse YMA leh ZDU te an palai hnuah SP hian a quarter hi a chhuahsan a ni. Zalen thudawn danin J.Lalthafamkima hi AIG (Training)-ah dah a niin Lunglei SP atan hian Narayan Thapa dah a ni a. PWD SE C.Lalchhuana pawh sawn a ni.