October 12, 2023; Vawiin a BJP a lawmluh thar Speaker hlui Lalrinliana Sailo chuan, Mizoram hmakhua thui tak a thlirin, Zoram hmangaihna vang zawk a BJP zawm a ni tih a sawi a, BJP in MLA 5 atanga 8 an neih ngei a ring tih a sawi bawk

Kum 2018 a Chalfilh bial atanga MNF ticket a thlan tlin, Lalrinliana Sailo chuan, "Zoram Medical College hi central sawrkarin in lak theih chuan BJP ka rawn zawm ka ti a, kan la ang an ti a, chuvangin BJP zawm ka ni," a ti.

Hengte bakah hian border trade lam ah chak zawk a hmalak central sawrkarin an intiam avanga BJP zawm a ni tih a sawi tel bawk.

Mizoram khawthlang leh hmun dang a kuhva chingtute leh a hralhtute harsatna tawh pawh a vei hle tih sawiin, hemi chungchangah hian kuhva hralhna kawngah harsatna in tawk tawh lovang tiin min tiam a, chu pawh chu BJP a luh chhan a tling niin a sawi.

MNF chu phai ramah an zu NDA a Mizoramah an kut an kuangkuah leh thin nia sawi bawkin, "Pa takin kan nih ang ang kan ni ang, BJP hi Mizo thalai ten an rawn zawm zel dawn," a ti bawk.