Aizawl: Indian Medical Association (IMA), Mizoram State Branch leh Mizoram Govt. Doctors Association (MGDA) tang kawp chuan March ni 9,2017 (Zirtawpni)  khan Zawlnuam ah Special Clinic an buatsaih. He clinic-ah hian Aizawl lam atangin Doctor 17 leh supporting staff 12 an kal a, damlo 1412 an en a ni. Investigation hmanrua hrang hrang - Ultrasound, Endoscopy, Audiology, Laboratory (FNAC te thlengin) an keng a, damlote hi a thlawnin an en a, a remchang angin damdawi tul zual pawh a thlawnin an sem bawk. IMA leh MGDA te hian hmun hla zawk - Farkawn leh Tuipang ah te hetiang ang clinic hi an lo buatsaih tawh thin a, Zoram dung leh vang fangin la buatsaih zel an tum a ni.