Aizawl: August 18, 2017 (Zirtawpni) atang khan thlawhtheihna company SpiceJet chuan bungraw phurh man a ti sang. Zalen thudawn danin SpiceJet a chuang passenger ten an bungrua kg 15 chin chu man pek a ngai lo ang a, hei aia rit zawngah hian a hmaa an tuk zat aiin bungraw phurh man hi an tipung a ni. Bungraw phurh man thar hi kg 20 ah a hmaa Rs 500 aiah Rs 1,425, 20-30kg a hmaa Rs 2,000 chu Rs 2,850 ah, 30-35 kg a hmaa Rs 3500 pawh Rs 4275, 45-65 kg a hmaa Rs 4667 chu Rs 5700 ah, 65-95 kg a hmaa Rs 8000 pawh Rs 8550 ah tihsan a ni a, hei hi book lawk te rate tur a ni. Book lawk lova a hmuna bungraw man lak chawp te chuan kg 15 a pelh chuan kg 1 zelah Rs 300 an chawi dawn a ni. Airline company dangte pawh in an tihsan ve thuai beisei a nih thu thudawnna chuan a sawi.