Aizawl; Nimin tuk khan Sports Minister Zodintluanga chuan Zotlang a Champhai Stadium sak mek a tlawh. Sport Minister Zodintluanga chuan hna chak taka thawh mek a ni chu lawmawm a tih thu a sawi a, Champhai Stadium chu mipui nawlpuiin an hman theih tura siam a nih tur thu leh khawvela Synthetic Track tha ber phah a nih tur thu a sawi a, Sports decipline hrang hrang khelh theih tur a siam a nih tur thu a sawi bawk. Sports Minister chuan Champhai thalaite tan hun tha a inherchhuak mek tih a sawi a, Champhai District chu District dang zawng zawng aia District vannei ber an ni a, an sawrkar chhungin India level pawha zahpuiawmloh Gym te, Tennis court, Boxing Hall leh Chhangphut Field-ah phhullem phah hna thawh a nih thu a sawi. Champhai chu infrastructure nei lo chunga Mizoram leh India ramah pawh medal la thin an ni tiin infrastructure tha chuan an theihna leh thiamna te cho chhuak se a duh thu a sawi bawk. Mizoram Sports Council Secretary Laltlanthanga pawhin thu sawiin Champhai chu Mizoram ti hmingthatu an nih thin thu sawiin duhsak an phu a, eng decipline ah pawh mi huphurh an ni a, an chakna leh huaisenna te hmangthiam a he Stadium atanga Mizoram ti hmingtha tu ni thei tura tan la turin a chah a ni.