ZALEN January 16, 2026: India International Centre, New Delhi-ah nizan khan “Global Sports Education Convention 2026 and National Awards Ceremony” neih a ni a, he hunah hian India rama sports leh physical education huang chhunga tithate hnenah ‘National Sports and Physical Education Awards’ sem a ni a, Mizoram chuan sports chawikan leh tihhmasawn kawnga hma la tha, “Best Upcoming State Promoting Sports and Physical Education” lawmman a dawng.

He award hi Mizoram sawrkar aiawhin Sports & Youth Services Department Joint Secretary H. Dolianbuaia kutah hlan a ni.

Global Sports Education Convention-ah hian mithiam sawm bik leh state hrang hrang aiawhte’n India rama sports leh physical education hmasawnna tur ngaihtuah hoin, an sawiho zingah India in Commonwealth Games 2030 a thlen tur chungchang a tel.