Aizawl December 28, 2023: Vawiin chawhma dar 11:00 khan 8th Mizoram State Sports Council chuan MSSC Conference Hall, Hawla Indoor Stadium, Republic Vengthlang-ah General Body meeting an nei a. He hunah hian MSSC President thar leh Sport & Youth Service Minister ni bawk Lalnghinglova Hmar chuan a telpui a ni.

He hunah hian MSSC President Lalnghinglova Hmar chuan MSSC chairman a nih chhungin Sports person ngaihpawimawh hmasak a nih tur thu leh sports association in an dawt ang, a ti a. "Infiamna hrang hrangah medal kan ngai pawimawh ber bawk ang," a ti.

"Kum thar maia Nagaland-in North East Olympic a thlen tur chu ngaih pawimawh a ni dawn. Chumi dawtah National Games kan ngai pawimawh ang. Engah hian nge medal a hnaiha a hlat, kan ngaihpawimawh a ngai. Chumi atan chuan Coach education kan ngai pawimawh ang. Mizoram hi Coach level ah kan la hniam hle, infiammi naupang an tha thut thei lo, coach an that a ngai ni. Kum thar atangin coach te physicaly leh mentally in an fit tur a ni. Coach chuan coaching an pe tur a ni a, thildang an ti tur a ni lo," a ti bawk.

Sport Minister Lalnghinglova Hmar chuan, "Sawrkar-ah pawisa a awm lo," tia sawiin, "Association zawng zawngte national a medal an dawn ang zelin sports incentive an dawng thung ang. Sawrkar hmasa in sports infrastructure an ngai pawimawh a, hei hi kan hmang tangkai dawn. Sports infrastructure kan siam dawnin sports association kan rawn zel ang dawn a. Kum 2036-ah India in Olympic a thlen dawn, hemi a tel turin i thawkho ang u," a ti.