ZALEN, Jan. 06, 2025: Rajasthan-a Thawhlehni atanga Volleyball Federation of India (VFI) buatsaih, Senior National Volleyball Championship-ah Mizoram mipa team chuan a tan niah Pondicherry an hmachhawn nghal dawn.

Mizoram Volleyball Association (MVA) tirha Mizoram aiawha Jaipur khawpuia inkhel turte hian Pathianni khan Mizoram chhuahsanin an khelhna hmun tur hi an thleng tawh a. Inelna hi Thawhtanni thleng awh tur a ni.

Mizoram hi Pool F-ah team pasarih an awmpui a. Pool khata an awmpuite nen hian an inkhel kual vek dawn a, pool paruk awm atangin a sang pahnih theuh bakah pathumna zinga ti tha paliin round of 16 an lut dawn a ni.

Championship-ah hian team 34 an tum a, Pool F-ah Mizoram hian Pondicherry bakah Chandigarh, Maharashtra, Nagaland, Delhi leh Andaman an awm a ni.

Mizoram hian Thawhlehni tlai dar 3:00-a Sawai Mansingh Stadium Court No. 2-a Pondicherry an hmachhawn hnuah Nilaini chhun dar 12:00-ah Indoor-ah Nagaland an hmachhawn leh ang a, hemi ni vek zan dar 8:00-ah Andaman nen Indoor No. 2-ah an inhmachhawn lehnghal ang.

Ningani zing dar 8:00-ah Court No. 1-ah Delhi hmachhawnin chawhnu dar 2:00-ah Court No. 1-ah vek Maharashtra nen an intum leh ang a, Zirtawpni zing dar 8:00-ah pool match hnuhnung ber chu Chandigarh nen an khel bawk ang.

MIZORAM POOL MATCH FIXTURE:

January 7, 2025 (3:00 pm) - Mizoram vs Pondicherry (Court No. 2)

January 8, 2025 (12:00 pm) - Mizoram vs Nagaland (Indoor)

January 8, 2025 (8:00 pm) - Andaman vs Mizoram (Indoor No. 2)

January 9, 2025 (8:00 am) - Delhi vs Mizoram (Court No. 1)

January 9, 2025 (8:00 pm) - Maharashtra vs Mizoram (Court No. 1)

January 10, 2025 (8:00 am) - Chandigarh vs Mizoram (Court No. 1)

Mizoram aiawha kal tur hian MVA chuan player 12 a thlang chhuak a, pahnih an theih loh tak avangin player 10 an ni ta a, Pathianni khan Lengpui Airport atangin an chhuak a ni.

MIZORAM PLAYER & COACHING STAFF:

1. Vanlaltanchhana, Kawnpui (Attacker)

2. C. Zonunmawia, Maubawk (Setter)

3. Zomuansanga, Khawhai (Attacker/Universal)

4. Zosangzuala, Kanan (Middle)

5. K. Zodingliana, Dinthar (Middle)

6. Fabian Lallunghnema (C), Kolasib (Attacker)

7. Lalrinngheta, Hunthar (Libero)

8. C. Lalhriatpuia, Lunglei Theiriat (Attacker/Universal)

9. David Lalramhmachhuana, Kulikawn West (Setter)

10. K. Lalfakawma, Farkawn (Attacker)

Manager: Donald Khawlhring, Kanan

Coach: Jesse Lalpianpuia, Luangmual