Sr. Women’s National Football C’ship khel turin Mizo nulate feh chhuak dawn

ZALEN, August 30, 2025: India rama hmeichhe football-a inelna sang ber, Senior Women's National Football Championship tia an sawi mai thin, Senior Women's National Football Championship for Rajmata Jijabai Trophy group stage khel turin Mizoram chuan Pathianni hian Assam an pan dawn.
Mizoram hi Group E-ah awmin hmarchhak state pathum - Arunachal Pradesh leh Tripura bakah an group inkhel thlengtu tur, Assam an awmpui a. An group inkhel zawng zawng hi Diphu-a Kasa Stadium-ah an khel dawn a ni.
Mizoram team-a tel tur thlanna hnuhnung hi August 9 khan Lammualah neih niin player 20 thlan chhuah an ni a. Team official paliin an hruai dawn a ni.
Mizo nulate hian Ningani hian a thlengtu an hmachhawn hmasa ber dawn a, ni khat awlin Arunchal Pradesh an hmachhawn leh ang a, karleh Thawhtanniah Tripura an hmachhawn ang.
Senior Women's National Football Championship hi All India Football Federation buatsaih an hnuaia state-te inelna sang ber a ni a, Manipur chu vawi 29 khelh tawhah vawi 23 champion tawhin tunah pawh champion lai an ni a, nikum final-ah Odisha 1-0-in an hneh.
Kum hmasa ang bawkin kuminah hian group stage-ah nikum finalist-te awlin mi dang 31 chu group pariatah then darh an ni a. Group stage-a a sang ber theuhten final round lutin Manipur leh Odisha te nen group pahniha panga ve ve inthenin an inel zui ang.
Final round-ah hian group pahniha awmte an inkhelh kual chhuah hnua a sang pahnih ve vein semifinal an lut dawn a ni.
MIZORAM KHELH TURTE:
September 04, 2025 - Assam vs Mizoram
September 06, 2025 - Mizoram vs Arunachal Pradesh
September 08, 2025 - Mizoram vs Tripura
MIZORAM SQUAD:
Lalsangpuii Sailo, Serchhip Hmar veng
Lalrinzuali, Bungkawn Tuikhur veng, Aizawl
J. Lalparmawii, Saitual Venglai
Lalchhanhimi, Champhai Vengthar
K. Lawmsangpuii, Mimbung
Angela Malsawmkimi, Mualpui, Aizawl
Vanlalrohlui, Kawrthah
Hoinunzem, Bethlehem Veng, Aizawl
Malsawmsangi, Phuaibuang
Hoineihat, Durtlang, Aizawl
Lalhriatpuii, Kulikawn, Aizawl
Elizabeth VL Lawmkimi, Keifang
Baby Lalchhandami, Bethlehem Veng, Aizawl
Cindy Remruatpuii Colney, Armed Veng, Aizawl
Grace H. Lalrampari, Salem Veng, Aizawl
Sandra Beipieso Natlia, Siaha
Malsawmtluangi, Lungsum
Lalthazampuii, Saichal
Gladys Zonunsangi, Armed Veng South, Aizawl
K. Ngopawdi, Siaha
TEAM OFFICIAL-TE:
Annand Gurung (Head Coach), Tanhril, Aizawl
R. Lalhminghlua (Asst. Coach), Reiek Vengchhak
Bethsabi Saitluangpuii (Physio), Durtlang, Aizawl
Priciila Lallawmsangi (Manager), Lily Veng, Aizawl