SRDC huamchhunga HSLC leh HSSLC-a distiction-a pass te Smartphone leh Laptop pe dawn
![](/storage/news/post/VkiC16YzcOFN7KzioTbRVhdwGpjBcSNda44UhC0U.jpg)
Aizawl April 22, 2023 : Vawiin khan Sialkal Range Development Council (SRDC) area huamchhung high school leh higher secondary school-a Class-9 & 11 topper zirlai 13, New Delhi-a Excursion kal turte puala SRDC Cell Office, Venghlui a hun hman naah SRDC Chairman Dr. L.Thangmawia chuan, kumin HSLC leh HSSLC exama SRDC area huamchhung zirna in atanga Distinction-a pass te Smartphone leh Laptop pek an nih tur thu a puang.
Dr. L.Thangmawia chuan a bik taka zirna lam ngaihtuahtu tur ‘Hostel & Education Committee’ chu SRDC hnuaiah kum 2020 March thla khan din a nih thu a sawi a. SRDC area huamchhunga zirna in, zirtirtu indaihlohnate chu SRDC Fund hmanga zirtirtu rawihsak an nih thin thu te, Civil Service Coaching New Delhi-ah zirlai pahnih cheng nuaih chuang ve ve a sponsor an nih tawh thu te, NDA interview hmachhawn tur zirlai pakhat cheng nuaih chuanga sponsor a nih tawh thu bakah zirlai thiamthei, chhungkaw harsa zirlai sawmli (40) chuang SRDC in tanpuina a pek tawh thu te, zirlai 3 Technician zir mekte a sponsor thu leh Fashion Designing zirlai 3 a sponsor mek thu a sawi bawk.
Mimbung HSS, Hrianghmun H/S, Kawlbem HSS leh Vaikhawtlang H/S te pawh SRDC in cheng nuaih tel a a tanpui vek tawh thu te, zirna atana SRDC-in nasa taka ke a pen mek thu sawiin zirlaite tan nasa zawk-a ke pen zel a tum thu te, kumin HSLC leh HSSLC exam-a SRDC area huamchhung zirna in atanga Distinction-a pass zawng zawngte Smartphone leh Laptop pek an nih tur thu a puang nghal bawk. Luangmual, Aizawl-a Paite Tribal Girls’ Hostel sak mek pawh rei lo te ah chuan SRDC area te tan luah theiha a awm dawn thu a sawi bawk.
Dr. L. Thangmawia chuan, "SRDC Fund te hmasawnna hnathawh nan chauha hman thin chu zirna atan awmze neia hman chhoh mek zel a nih thu sawiin zirlaite chu an tihthat avanga Excursion kal tura thlan an nih thu leh he an hun hman hian taihmakna leh zirna a hlawhtling tura tumruhna thar a siamsak a beisei thu leh incheina lam aia an zirlai pui thei tur he excursion chhung hian ngaihtuah zawk tura fuihin zirlaite hi Rs 2000 theuh a pai bawk a ni.
SRDC Council meeting rel angin kum 2019 April thla khan zirlaite tan Excursion neih tawh a ni a, Covid-19 hripui leng avangin chhunzawm theih a ni ta lo a ni. Thangmawia chuan SRDC area-a zirlai thiamthei ten Delhi an tlawh thei tur tur chu a lawmpui thu a sawi a, khawhawi zau zawk nen, IAS, MCS, Engineer, Doctor leh line hrang hranga mi hlawhtling an nih theih nana rahbi tangkai taka Excursion hi hmang turin zirlaite a chah.
SRDC hmalak mekna thenkhat sawilangin L. Thangmawia chuan, "Faina lamah pawh hmalak tan a ni a, kumin 2023 hian Fai inelna SRDC area huamchhung khua leh Institution te tan buatsaih a ni dawn a, lawmman tha tak siam a ni dawn a ni," a ti.
Literature leh Culture lama hmala turin ‘Cultural & Literature Committee’ chu SRDC hnuaiah din fel a nih tawh thu te, SRDC area huamchhunga Rangva inchung la nei lote kumin chhunga neih tir vek tura hmalak mek a nih thu te, SRDC hmalakna a area mipuite tawiawmna leh fuihna an dawnte avangin lawmthu a sawi bawk a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024