Aizawl: Nimin khan Siamsin Pawlpi (SSPP) Hqrs. Aizawl chuan I&PR Auditorium-ah Conference cum Presidential Election an nei a, VL Robiaka, MLA, ZIDCO Chairman ni bawk chu khuallian a ni. Khuallian V.L.Robiaka chuan, “K an ram hi tute tã bik emaw kan tih chuan a tê telh telh dawn a. He ram hi Lusei tã bik a ni lo va, Mizo hnam tlêm bik tam tak awmte tã pawh a ni tih kan hriat a tha hle ang,” a ti a. “Kan zirlai pawl MZP te, MSU te hian hmun hrang hrangah hnam inpumkhatna khawmpui an nei thin a. Hei hi kan hnam tan a tha hle a, a sawrkar leh politics ang zawng pawhin thlawp hle mah ila, a limit chin erawh a awm lo thei lo a ni,” a ti bawk. Khuallian bakah Vanneihtluanga, MZP leh MSU aiawhten thu an sawi a. SSPP President atan Sanghmingthanga chu chuhtu awm lova thlan a ni bawk.