Aizawl; Nimina Students' Self-Support Union (SSU) Executive Meeting chuan Education Department-in School tan hun sawn a tum chu an thlawp tih sawiin School tan hun chu zing dar 8 nise an ti. SSU thuchhuah in school tan hun sawn hma an duh chhan nia an sawi te chu Zirlaite'n taimakna leh hriselna kawngah tun aia awmze nei zawka hma an sawn theih nan; hnathawh hun leh thawhdan (work culture) tha zawnga herrem beisei vang; school bana Coaching Class leh Tuition kal duh tan hun thawl a tam zawk dawn vang; Zirlai harsa, mahni intodelh chunga lehkha zir te tan inhlawhna hun thawl zawk a awm theih dawn avangin leh traffic jam nasa lutuk a sutkian theih beisei vang te niin an sawi. SSU chuan zirlai tam tak, zirna atana mahni intodelh a, chhun lam hna thawk duh thin ten harsatna an tawk tih sawiin Morning College din anih theihnan hmalak zel an tum tih an sawi bawk.