ZALEN April 23, 2026 : Matric result vawiina chhuakah Mizoram-a High School hlun ber Govt. Mizo High School leh St. Pauls Higher secondary school te chuan zirlai pass thar 365 ve ve an nei a, zirlai pass ngah ber an ni.

Mizo High School hian candidate 394 neiin 365 hi an pass a, St Pauls Higher Secondary School-in zirlai 365 an neih te chu an pass vek a ni. 

Candidate 100 chuang pass nei zingah Mount Carmel chuan an zirlai 248 te an pass vek a, St Joseph chuan an zirlai 209 te an pass vek a, Ephraim High School, Vaivakawn zirlai 163 te chu an pass vek bawk. 

Zirlai ngah zingami Synod Higher Secondary School atangin zirlai 269-ah 266 an pass a, Home Mission School chuan candidate 132 neiin 127 an pass. Govt. Chaltlang High School zirlai 107 atangin 103 an pass a, Living Water School, Mission Vengthlang chuan candidate 124 neiin 123 an pass. 

Govt GM High School Champhai chuan candidate 107 neiin 101 an pass a, St. John Higher Secondary School, Kolasib atangin zirlai 189-ah 186 an pass. Sacred Heart School, Lunglei chuan candidate 141 atangin 125 an pass a, Baptist Higher Secondary School, Serkawn chuan candidate 129 neiin pass 119 an nei bawk.