Aizawl : State Transport Authority (STA), Transport Department chuan vawiin November 10, 2022 hian mipui zin vei vak leh khawpui chhunga man chawia lirthei hmang te leh lirthei neitu te hriat tur thuchhuah a siam a, STA ten passenger phur lirthei permit a pekchhuah ten chuanman (rate) atana an hman tur pawh an tarlang. 

State Transport Authority (STA) chuan, Mipuite'n zin veivahna kawnga harsatna an tawh lohna turin State Transport Authority (STA) chuan passenger phur lirthei chi hrang hrang permit a pe chhuak thin a. Lirthei permit diltute hi sawrkar rate zawm tur te, sawrkar phal loh thil phur lo tur te, STA in tlan tura a tihna hmun apiangah eng hunah pawh tlan turin an intiam thlap a ni, a ti.

STA thuchhuah chuan lirthe permit hmu reng reng chuan permit an lakchhuah rualin sawrkar rate aia sanga chuan man la lo turin thu an intiam thlap a, Sawrkar thu an zawm loh chuan permit cancel/suspend thleng an inhuam thu an sign thlap. Passenger phur chi lirthei neitu/khalhtu te chu sawrkar-in chuan man (Fare) a siam te tha taka zawm vek tura ngen leh hriattir an ni, a ti bawk.

Tuna Sawrkar rate dinglai chu a hnuaia tarlan ang hi a ni e:

1. Auto Rickshaw - Kilometre khatna hi Rs. 30.00 a ni tur a ni a, chumi piah lam tlan chuan KM 1-ah Rs. 20 belh zel tur a ni. 

2. Taxi - Kilometre khatna hi Rs. 50.00 tur a ni a, a bak zelah chuan KM 1-ah Rs. 40 zel a ni tawh ang.

3. Two Wheeler Taxi - Kilometre khatna hi Rs. 25.00 a ni ang a, a bak zelah chuan KM1-ah Rs. 15 zel a ni tawh ang. 

4. Maxi Cab - Kilometre khat zelah Metalled Road-ah chuan mi pakhat tan Rs. 3 a ni ang a, Metelled Road lovah chuan mi pakhatah KM-1-ah Rs. 3. 50 tur a ni.  

STA chuan sawrkar-in chuan man (Fare) a bithliah aia sang la an awm a nih chuan, dan bawhchhiatna a ni, a ti a, harsatna nei te chuan a hnuaiah phone number-ah te hian complaint thehluh theih reng a nih thu an tarlang bawk.

1) Personal Branch of Director  -  0389-2316080

2) STA Office - H.Zothansanga (ESI) - 8414007917

3) DTO (RA) Office, Aizawl - Lalrindika Vanchhawng (MVI) - 8974158183 ; K.Zosangliana (El)-9862753656

4) DTO Office, Lunglei - Vanlalsanga (ESI)- 9366451232

5) DTO Office, Siaha - K.Lalrinliana (MVI)- 8974205468

6) DTO Office, Champhai - R.Lalhruaitluanga (MVI) - 8413932698

7) DTO Office, Kolasib - Vanlalvena Pachuau (ADTO) - 9862979014

8) DTO Office, Serchhip - Lalrohlua (MVI) - 9612233080

9) DTO Office, Lawngtlai - Joseph L. Pachuau (MVI) - 9436148144

10) DTO Office, Mamit - Zonunmawia (MVI) - 9774172639