Aizawl October 8, 2024: Vawiin khan Chief Minister chuan a office-ah Mizoram State Transport Authority (STA) chu a kawm a, Mizorama khualzin phur lirthei tihhmasawn dan tur an sawiho a, Online Cab Booking chu buaipui hmasak ni se an ti.

State Transport Authority hian hma thar lak dan tur an ruahmanna - Online Cab Booking System chungchang te, Aizawl khawpui chhunga Maxi Cab lut thin te rel fel chungchang te, Maxi Cab service tam ber Sumo production a tawp tawh avangin Thingtlang Bazar Bus uar thar a ni leh dawna an hriat thu leh chutiang hun a lo thlen huna inbuatsaih dan tur te, an thlen a. Online Cab Booking system hi buaipui hmasak ni se tha an ti.

Meeting-ah hian Home Minister K. Sapdanga, Transports Minister Vanlalhlana leh Supply Minister B. Lalchhanzova te pawh an tel a, Passenger phur lirtheite tihhmasawnna tur thil dang te pawh an sawi bawk.