Stanford University chuan an syllabus-ah Taylor Swift pualin 'All Too Well' course an telh thu an puang ta rup mai le. He course-ah hian Taylor Swift hla thu hrang hrangte thuk leh ril zawkin an an zir bing dawn a ni - Taylor Swift tan pawh nulat laia thil tawnah chuan ropui dangdai tak tur a ni.  

Kum 33 mi Taylor Swift hi Stanford University atanga zir chhuak a ni a, lehkha a lo zir tawhna University hian an chawimawi hle. Stanford University hi California, USA-a awm niin, khawvel pumah University tha pathumna a ni phak nghe nghe. 
New York University chuan kum 2022 khan Taylor Swift pual hian course an lo hawng tawh bawk. Taylor Swift hlate hi a lo ril viau a ni ang, zirna insang University-ah hial an telh ta fo mai. 

University of Texas pawhin nikum khan undergraduate course-ah 'The Taylor Swift Songbook' an lo telh tawh bawk a, literature lama an zir bing tur zingah Taylor Swift hlate an thlang tihna a nih chu. Hei mai hi a la ni lo - Queen's University, Kingston, Canada chuan Cultural Studies program-a an course pakhatah 'Taylor Swift's Literary Legacy' an telh cheu bawk. 

American singer Taylor Swift hi nikum May thla khan New York University Doctor of Fine Arts hlan a ni a, commencement ceremony hi Yankee Stadium-ah ropui takin an hmang a nih kha - he nula zet hi zawng dah san loh theih a ni lo.