Grand Slam mipa  singles title 20 la tawh tennis khawvel-a a hming dai tawh lo tur  Roger Federer-a’n a chawlh tur thu a puan hnuah, social media lamah court chhung a hmelma kumhlun nithin Federer chu mipa zinga Grand Slam title la hnem ber Rafael Nadal chuan a thlahna thu post ve nghalin a ui thu leh duhsakna a hlan thu a sawi. 

Federer hian karleha Laver Cup an khelh zawhah tennis khawvel a mangtha tur thu ningani khan a sawi a ni. Nadal leh Federer hi vawi 40 an inhmachhawnah Nadal hian vawi 24 hnehna a changin hnehna chang tam zawk a ni.  

Nadal chuan,“Roger-a hi ka thian tha tak, court chhungah chuan ka hmelma a ni a, a chawlhsan mai tur hi ka uiin thleng lo se ka duh em em a ni. I chawl tur hi sport khawve tan lungngaihna ni a ni,” a ti.