ZALEN November 25, 2024 : Mizoram sawrkar-a Home Department chuan 13.6.2024-a thuchhuah a lo tihchhuah tawh angin Mizoram State-a lirthei lo lut te hnen atangin mimal leh pawl thenkhat ten pawisa an laksak/khawn khap a tih thu a tarlang.

Home Department chuan hetiang pawisa khawn hi an awm tih an hriat avangin vawiin khan thuchhuah hi an siam nawn leh a ni. Sawrkar remtihna lo leh dân in a phut ang ni lova pawisa inlaksak/khawn hi BNS 2023 Section 308 Sub-Section 2 in a tarlan angin kum sarih (7) lung-in tân emaw, pawisa chawi tir emaw, a pahnihin hrem theih a ni, an ti.

"Aizawl District huamchhungah pawl angin emaw, mimal angin emaw, State Sawrkar hriatpuina lovin lirthei khalhte hnen atangin pawisa an laksak/khawn tur a ni lo. Ti lui an awm a nih chuan a chunga tarlan dân angin hrem an ni ang," an ti.