ZALEN May 10, 2026: Nimin zing khan Aizawl khawpui hmun hrang hrangah Central YMA huaihawtin ruihhlo that lohzia inzirtirna street campaign neih a ni.

Central YMA hian Aizawl khawpui chhung hmun sarihah ruihhlo do hmalakna atan street campaign an buatsaih a, Zemabawk Venglaia hun hman hi Lalhmunliana Chhangte, Zemabawk Branch YMA President-in a kaihruai a, Prof. Lalnuntluanga, Vice President, CYMA-in thu a sawi.

Thuampui Bazara hun hman chu Darthanthuama, Thuampui Branch President-in a kaihruai a, Lalrochama, CEC-in thu a sawi a. Bawngkawnah Lalberchhandama, Bawngkawn Branch President-in kaihruaiin Lalhmachhuana, CEC-in thu a sawi. 

Ramhlun North-a hun hman hi Laldingliana Sailo, Ramhlun North Branch President-in a kaihruai a, Er. H. Duhkima, Treasurer, CYMA-in thu a sawi a. Chanmari kawnah hian Sailianpuia Sailo, Chanmari Branch President-in a kaihruai a, SF David Ngursangzuala, Assistant Secretary, CYMA-in thu a sawi a. Zarkawta hun hman hi Lalhmangaiha, Zarkawt Branch President-in a kaihruai a, Lalrochuanga Pachuau, CEC-in thu a sawi bawk.

Electric Venga hun hman hi C.Lalnunfela, Electric Veng Branch President-in kaihruaiin MS Ralte Finance Secretary-in thu a sawi bawk.

Heng hmun hrang hranga street campaign neihnaah hian Aizawl khawpui chhunga branch hruaitute leh CEC memberte kalna tur siam a ni a, zai thiam hrang hrangte an zai bawk. 

Central YMA chuan ruihhlo do kawnga theihtawp chhuah tur leh mahni theihna zawn theuhvah ruihhlo do kawnga pen chhuak turin mipuite an sawm a. Street campaign hi kar leh Inrinni zing dar 7:30 ah Aizawl khawpui hmun riatah neih leh a ni ang.