ZALEN September 01, 2026 : Vawiin khan Dennis Vanbawih Thawng (16) chu AH&Vety Dilpui, Thenzawl-ah a tla hlum.

ZALEN thudawn danin Adventist English Academy School, Siaha zirlaite hian Thenzawlah Study Tour an nei a, vawiin chawhnu dar 2 vel khan class IX zirlai Dennis Vanbawih Thawng chu Dilpui-ah hian tla palhin, Ayush Hospital, Thenzawl panpui nghal ni mahse, chhan theih a ni tawh lo.

Adventist English Academy School te hi Bazar Branch YMA ten lo mikhualin a tul ang ang an buaipui nghal a, Joint YMA Hall, Bazar veng Thenzawl-ah thlahna hun hman a ni.

A ruang hi Siaha panpui tura ruahman a ni a, naktuk chhun dar 12-ah New Siaha West-I a an chenna ah vui tura ruahman a ni.