ZALEN September 25, 2024 : Vawiin khan Tuirial kama Thing leh Mau chereu mek chungchangah Forest Minister hovin MINECO-ah meeting neih a ni a, he hunah hian ah Sub Hqrs. YMA Kolasib President Thomas-a chuan Forest Department chu Ram hmangaih tak tak lo nia a hriat thu a sawi.



Meeting-ah hian Sub Hqrs YMA Kolasib President Thomas-a chuan Minister leh Commissioner & Secretary te hriat turin Forest Department chu Ram hmangaih tak tak lo nia a hriat thu leh a hmuh dan a sawi. Sub-Headquarter YMA Rorel inkhawm thurel angin DFO Kolasib pawh Sub headquarter YMA OB's ten an lo hmuh tawh dan a sawi bawk.

Thomas-a chuan, "Kar leh Thawhlehni-ah kan enho dawn nia ti a thu min hnutchiah chu vawiin thlengin a Thawhlehni a tih la thleng lovin, thla - 2/3 a liam tawh nghe nghe," tiin, "Forest Dept. hian Ram ngaw in humhalh tak tak lo a ni mai lo maw?" tiin zawhna a siam.

He hunah Minister, Commissioner leh PCCF te bakah, YMA (Sub Hqrs. YMA, Pualreng Group, Branch) atanga kal ten thu sawina hun an nei vek a ni.

Meeting-in Rawtna 3-a siam te chu :

1. Dept. leh YMA ten Jt.Operation neih ni se.

2. Chainsaw hman dan (Regulation) siam ṭhat ni se

3. NEEPCO gate-ah duty post siam dan zawn ni se.