Aizawl: MNF Vice President Dr. R.Lalthangliana chuan, “Congress hian chaw chah itawm tak tak an siam mek a, sawrkar hnathawk tan 7th Pay, NLUP leh NEDP atangin sum tam tak tak chawchahah an hmang mek a. Heng thilte hi mipui hmangaih vang emaw ram leh hnam an hmangaih vang a ni lo va, an tih thin dana inleitlin leh an tumna mai a ni,” a ti. MNF Hachhek South Block ten nimina Kawrtethawveng VC House-a SEDP zirhona an buatsaih ah he thu hi sawiin Dr.Thangtea chuan, “Inthlan a hnai chho leh ta a, Congress sawrkar hian nghakuai an chiah mek a, nghakuai ei lovin an chawchah chauh lo ei turin mipuite kan chah a ni,” a ti. MNF Vice President chuan, Congress sawrkar-in hun kal tawha mipui an tham loh zia leh an vau nasatzia hre reng turin kalkhawmte chu a chah a. Mipuite chu Congress sawrkarin a sawp retheihzia hre reng a, hnawl ngam turin a chah bawk.