Google chuan India sawrkar atangin khinna a tawk a, thiam loh chantir an nih chuan sum thahnem tak an chawi dawn. Sum chawi tura an tih chhan hi dan an bawhchhiat vang nia tarlan a ni a, $mtd 161 zet chawi thei dinhmunah an ding mek. 

Hemi chungchangah hian Competition Commission of India (CCI) chuan Ningani khan thuchuah an siam a, Google hian Android operating system an kalpui danah dan an bawhchhia tih an sawi. Smartphone, web search, browsing leh video hosting service an kalpui danah thil fel lo a awm a, he mi chingfel tur hian an hriattir a ni. Hetih lai hian Google lam hian thuchhuah an la nei lo thung a, an buaina hi a thuk ru viau mai thei. 

Google hi an app bouquet - Google Chrome, YouTube, Google Maps leh a dangte hman a nih theih nan dan kalhin an che nia sawi a ni. Hemi chungchangah hian kum 2019 atang khan hma lak tan a ni a, Android smartphone hmangtu ten complain an thehluh atangin a rawn irhchhuak a ni.