DOWNLOAD OUR APP

Read latest news on your phone
app-store
Sumdawnna idea intihsiakna reality show hmasa ber Minute Khat Pheichham episode pali Sept. ni 1-4 ah tichhuak dawn
Aug 29, 2021

Sumdawnna idea intihsiakna reality show hmasa ber, Minute Khat Pheichham chu September ni 1-4 chhung hian episode pali tih chhuah a ni dawn a.  Minute Khat Pheichham hi MZU Incubation Centre, MEDMOC leh Zonet ten an buatsaih niin, Aizawl City Hall-ah intihsiakna shooting neih zawh tawh a ni. September 1, (Nilaini) atangin hian zan Zonet Zawlbuk (8 PM) atangin tihchhuah a ni dawn a, September 4 zan vek hian intihsiakna tihchhuah zawhah live telecast-in puan a ni ang.

Minute Khat Pheichhamin a tum ber chu sumdawnna lama ngaihtuahna a taka chang thei a tam thei ang ber siamchhuah - 'business idea generation' bakah helama inzirtirna (education) atana show hman hi a ni a. Na chang hre taka sum dekchhuah thiam 'Entrepreneur' te hi ram hnuk an nih avangin entrepreneur nih tumte cho chhuah chu an thil tum zing ami a ni bawk. 

Lawmman hi 1-na Rs 1,00,000 a ni a, 2-na Rs 40,000, 3-na Rs 20,000 bakah Finalist dangte tan Rs. 2,000 theuh pek tur a ni a, thuziak a keng tel bawk dawn. 

He show hi Event Solutions in a enkawl a niin tel tura dilna June, 2021 chhung khan online-a hawn niin, dilna 338 a lut a. Diltute hian Final round thleng turin inthlitfimna tum hnih (2) an paltlang a, finalist 16 thlanchhuah a ni ta a ni. Mizoram Consultancy Group chuan July 15 - 16, 2021 khan boot camp neih puiin finalist te'n hma an sawn theih nan an hrual a. March thlaa inpuahchah tan tawh ni mahse inkharphip vangin duh hunah show tan theih a ni mai loa, thla 2 lai hun remchang dapin hun hman niin August 18, 2021 khan freshers boot camp neih leh a ni. 

Minute Khat Pheichhamah hian endiktu mi pali - Rinzuala, Chairman Angel Business Promoters, Managing Director, MIZOFED; Malsawmtluangi, ZoWeave neitu leh bultantu; Dr. Samuel Lalnunzira Dingliana, Zoram Mega Food Park Private Limited, COO, Zote Bakery & Confectionery, MD leh Dr. Laldinliana Varte, Associate Professor, Dept of Commerce MZU, Director, MZU Incubation Centre,  Doctor of Letters in Entrepreneurship Candidate, Fellow of Royal Statistical Society te an awm a ni.

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh