Aizawl: Lal Thanzara, Health & Family Welfare Minister chuan private damdawi inte chu inenlet tura sawmin sawmdawnna hmun nilovin service pekna hmun a nih thu a sawi. He thu hi LRM Hosipital, Ramhlun a hawnnaah Lal Thanzara chuan sawiin ‘Mi mal damdawi inte chuan sawrkar ko an tizangkhai mai piah lamah sawrkarin hna a pek sen loh mi tamtakte eizawnnna siamtu an ni chu a fak a. ‘Damdawi in din chu sumdawnnna ni loa mi hnuaihnung zawk leh chhumchhiate tana rawngbawlna remchang tak a ni’ tiin a sawi bawk a ni. Phai lam atanga Daktawr thiam chah chhuah thin a ni chu phai lam panna nei lote tan a that viau rualin damlote hmakhua ngaih aia sum siamna lama kal nat zawkte a awm theih avangin hetiang thilah chuan Health Department thuneitute hriattir hmasak thin ni se tha a ti bawk. Zirtawpni programme-ah hian Health Minister chuan hmalaknate sawiin District Hospital zawng zawngte tihchangtlun, Referral Hospital-a Medical College din te, Zemabawk Cancer Hospital thuam that hnathawk mek thu te, Mental Hospital din tura hmalak mek a nih thu leh IMR leh MMR te tihniam tura tan lak a nih thute a sawi a ni. LRM Hospital-ah hian tun dinhmunah thawktu 108 awmin khum 66 an nei a ni.