Aizawl: Nimin tlai dar 4:30 vel khan Aizawl-West Phaileng sumo service, FD Sumo chu Rawpuichhip leh Dapchhuah inkarah kawng chhak atanga lung lian tak tlain a delh a, mi 2 an thi. Zalen thudawn danin sumo hi leimin a awm avanga let leh a tum chu kawngchhak atanga lung lian tak tla hian a delh a, a hmunah Khualthangi (42) w/o Davida, Khawhnai chu a boral a. Hliam zinga mi Ramnunsiami (56) Manipur lam mi chu damdawi in an panpui laiin a boral bawk. Hliam na zual mi 3 Laikhuma (36) sumo driver, Romankima (23) leh Isak Malsawmtluanga (6) te chu Rawpuichhip damdawi inah enkawl mek an ni a, driver hi a dinhmun a tha lo zual niin an sawi. Sumo hi Lalfakawmi, West Phaileng ta niin mi 8 an chuang.