Sunday Special Drive-ah dan bawhchhia mi 244 man

ZALEN June 14, 2026 : Vawiinah khan Aizawl Traffic Police chuan Aizawl veng hrang hrangah Special Drive neiin dan bawhchhia mi 244 an man.

Lirthei chetsualna thleng thin venna atan leh mipuite him zawk nan Special Drive hi kalpui an nih thu Traffic Police te chuan sawiin, Aizawl veng hrang hrang hmun 44-ah an duty a ni.

Dan bawhchhia an mante :

1. Helmet khum loa Two Wheeler khalh - 82

2. Driving Licence nei loa lirthei khalh - 78

3. Kum tling lo lirthei khalh - 27

4. Two wheeler-a phal chin aia tam inphur - 10

5. Traffic Duty te thu awih lo - 9

6. Rui chunga lirthei khalh - 4

Heng bakah hian silencer ri ring, hlauhawm taka khalh leh dan bawhchhiatna dangte a tel.

Aizawl Traffic Police-te chuan dan zawm kawnga tan la thar zel turin mipui an ngen a, Aizawl khawpui a lo hima lirtheia chetsualna kan pumpelh theih nan Special Drive hi Pathianni chawhnu bakah zan lam remchanga kalpui zel turin ruahmanna an siam tih an sawi bawk a ni.