Super Bowl Halftime Show-a inlan tur Rihanna chuan a rilruah thil dang reng a ngaihtuah thei tawh lo tih a sawi mauh mai. Barbadian singer hi Super Bowl Halftime Show-ah a perform dawn a, hemi atan chauh hian a rilru a seng tawh a ni. Super Bowl LVII hi vawiin/zanin hian State Farm Stadium, Glendale, Arizona-ah khelh a ni dawn a, halftime show-ah Rihanna hi a che dawn.
 
Barbadian singer Rihanna chuan, "Super Bowl atan chauh ka rilru ka seng a, ka pian cham lo thleng tur pawh ka ngaihtuah chang tawh lo," tiin a sawi. Kum 34 i chuan sawi zawmin, "Valentine’s Day pawh rilruah a awm meuh lo, Super Bowl, Super Bowl, Super Bowl tih ringawt rilruah a awm," tiin a sawi a, a inbuatsaih nasat thu a sawi lang bawk. 

Super Bowl Halftime Show hi minute 15 a ni a, an perform hun chhung tak erawh minute 13 vel chauh a ni thin. Hei vang hian artist te pwhin an hla sak tur an thlan thiam a pawimawh a, Rihanna ngei pawh hian rilru a seng nasa hle tih hai rual a ni lo. 

Super Bowl halftime show hi zai mite tana dawhsan hlu leh ropui berte zinga mi a ni a, inlan phak nih ringawt pawh hi inchhuanna tha a tling. Rihanna hi Nigani khan Apple Music chuan an interview a, Super Bowl chungchang hi a sawi nasa hle. 

Nikum khan Snoop Dogg a perform a, US-ah ringawt pawh mi maktaduai 100 chuangin an en. Kum 2020 khan Shakira leh Jennifer Lopez te chu an perform a, Super Bowl half-time show-a entu ngah ber record (maktaduai 264) an siam a ni. Lady Gaga, Prince, The Rolling Stones, Bruce Springsteen leh Michael Jackson te perform chu entu tam zual zingah an tel bawk.