Super Bowl LVIII chu vawiin hian khelh a ni dawn a, halftime show-ah American singer Usher a perform dawn. Kum 45 mi Usher hi record label hnuaia inziak lut lo 'independent artist' zinga Super Bowl halftime show-a headline chang hmasa ber a ni a, kum 2011 khan Super Bowl XLV-ah Black Eyed Peas ten special guest atan an lo hmang tawh bawk. 

Super Bowl atan hian Ningani khan Apple ten press conference an buatsaih a, hemi tum hian Usher hian special guest chungchang a sawi lang zauh a, amah chauhin a perform dawn lo a nih hmel hle. Hei hian fan te beng a tivir a, tunge special guest atan hian a hman ang tih chu an inrin siak mek a ni. Media hrang hrang ten an inrin siak a, lam rik zingah Justin Bieber a langsar hle. 

Usher hian Super Bowl halftime show-a inlan chu a chak tawh tak zet tih a sawi a, ennawm ropui tak an pho chhuak dawn tih a sawi bawk. 

Super Bowl LVIII hi Allegiant Stadium, Las Vegas-ah khelh a ni dawn a, Kansas City Chiefs leh San Francisco 49ers te an inhmachhawn ang - a boruak a lian leh hle dawn. Super Bowl halftime show hi rimawi khawvela platform lian berte zinga mi a ni a, artist lar eh tha ber ber an perform thin. Super Bowl urlawna ringawt pawh a pui thin hle a, kuminah pawh - Post Malone, Andra Day leh Reba McEntire te an inlan a ni. 

Super Bowl LVIII hi India ram atanga chuan naktuk zing dar 5 atangin a en theih dawn a ni.