Aizawl; Food, Civil Supplies and Consumer Affairs Department supply centre/godown 18-ah charge inhlan laiin sum leh bungruaah Rs Nuai 196 a hloh thu Comptroller and Auditor General in audit report thar ber March 2015 tarlan a ni. CAG report thar bera a lan dan chuan Revised Manual a tarlan danin gowdown enkawltu chu a chhunga bungrua chunga mawh phurhtu liau liau a ni a, DCSO hnena report lut tur niin Department-in chak taka hma la tur a nih laiin duhthusama hmalakna a awm loa, action tlem azawng chauh lak a nih thu tarlan a ni bawk. “DCSO Record August 2015  bihchian a nih hnuin 2010-2014 inkarah store 18, Saiha atangin sum leh bungrua (buhfai leh chini) charge inhlannaa kim lo chu Nuai 214.04 a ni a, sum hlawm kim lo chu Nuai 18.01-a tarlan a ni bawk a ni. February 2016 a Sawrkar chhana ah chuan Nuai 17.79 chu official 5 atangin hmuh kir tawh ni mah se, a bak Nuai 196 chu Deparment chuan hmuh kir tumin a bei tawk lo,” tiin CAG report-ah chuan a tarlang. Official pakhat atangin Nuai 32 laklet nia CAG in chhanna a dawn chu rinhlelhawm nia tarlan a ni a, official pkhat dang case pawh la tihfel loh niin ani kut atang hian Rs Nuai 65.36 hloh a nih thu tarlan a ni bawk.