Aizawl: Nimin khan Food, Civil Supplies & Consumer Affairs Minister K. Lalrinliana chuan Government Muanna Veng Godown-a Supply Department in SEDP sum hmanga buhfai phur motor te a buhfai chawpa bukna khawl, 60 Metric Tonne thleng buk theihna Digital Weight Bridge a hawng.

Minister K. Lalrinliana chuan hemi puala programme Kudam tuala buatsaih ah thusawiin Digital Weigh Bridge hi a man tam lo mah se, ration buhfai semchhuahna kawngah khawl pawimawh leh tangkai tak, hun leh tha tlem zawk senna tur buhfai bukna khawl anih avangin khawl tangkai tak a ni dawn a ni, a ti. Weigh Bridge hman thin kha a hlui tawh avangin sawiselna tak tam a awm a, chuvangin Depart-ment chuan a thlakna tur hi SEDP kaltlangin a ruahman thu a sawi lang a.  Khawl enkawltu te dimdawi leh uluk takin enkawl se tiin a duh thu a sawi bawk a ni.

Programme hi Food, Civil Supplies & Consumer Affairs Director Dr. Andrew H. Vanlaldika’n kaihruaiin Digital Weigh Bridge chungchanga hriattur pawimawh leh a chanchin te hi V. Laldinsanga, Joint Director (Admn.) Food, Civil Supplies & Consumer Affairs in a sawi a ni.

Ration buhfai buk dik leh rang taka mipuite hnena pek chhuah anih theih nan FCS&CA Department chuan truck chawpa buhfai bukna tha leh awlsam, Digital Weighbridge pahnih (2), GMG Zuangtui,Aszawl leh PDC,Luangmual Lunglei ah a bun thar a. Hemi atan hian SEDP atangin cheng nuai 31.57 Department in a dawng a ni.

Tunhma in GMG Muanna Veng ah hian Weighbridge hman ani reng thin a, mahse April 2020 atang khan Weighbridge chu a chhiat tak avangin a hman zui theih ta lova, mamawhna avangin a thar hi dah a ni. GMG Muanna Veng ah  hian a tirah Digital Weighbridge 60 MT capacity pahnih(2) dah tum a nih laiin a hmunhma hi a chep deuh avang leh mamawhna a awm ve tho avangin Weigh Bridge pakhat zawk hi PDC Luangmual Lunglei ah dah ve tura tih a ni ta zawk niin he pawh hi bun fel a ni tawh a ni.

Digital Weighbridges te hi Leotronic Scale Private Limited, Amritsar, Punjab ten an rawn supply a. Weighbridge pahnih (2) man hi Rs. 21,68, 840 niin a hmun hma te buatsaih nan khawl man sum sen a ni bawk. Leotronic hian siam zawh atanga kum khat chhhung chu maintenance an rawn ti dawn a ni.submit-na tur leh a dang tam tak duan te chu tha an ti hle.