ZALEN June 08, 2026 : Supreme Court chuan June ni 3, 2026 khan 'Regulations for Use of Artificial Intelligence (AI) in Courts, 2026' a siam a. AI hmanna tur chin court-te tan dan (draft) a duang tawh a, hei hian India ram a court hrang hrang a huam dawn a. Mipui hnenah rawtna thehlut turin hriattirna a chhuah.

Heng hmalakna hian India rama rorelna hmun tinah Artificial Intelligence (AI) hman dan thunun a tum a; mihring hlutna hum tlatte, court rorelna langtlang leh mawhphurhna lak kawngah court tih chak a tum bawk.

Heng bakah hian data vawnhim leh roreltu thuneihna zalenna (judicial independence) dah chungnun a tum bawk a. Hemi rual hian, AI hman zau zelna kawnga fîmkhur leh mawhphurhna sang zawk a awm theih nan institutional framework pawh siam a ni bawk.

Regulations for Use of Artificial Intelligence (AI) in Courts, 2026 chungchang chhuahtu Member Secretary, AI Committee hnenah stakeholder te leh mipui te chu rawtna nei turin leh thehlut turin a hriattir a ni..