ZALEN, Dec. 03, 2024: India rama state-te Twenty20-a inelna sang ber, Syed Mustaq Ali Trophy-ah Mizoram chuan ball 16 hmang bang chungin wicket rukin Meghalaya an hneh.

Board of Control for Cricket in India (BCCI) hnuaia state/associtiation-te T20 inelna sangah hian Mizoram hi Group A-ah awmin Thawhlehni tlai khan an hmachhakpui hi an hneh.

Niranjan Shah Stadium, Rajkot, Gujarat-a inkhelhah hian Meghalaya hi thumvawrah chakin vuak hmasak an thlang a. Over 20 chhungin run 111 chauh tlinin mi pariat an thi a. Jasrikat Sachdeva-a’n run 68 vaw chhuakin mi dangin an pui tha tawk lo.

Mizoram tan state pawn (outstation) player pahnih, KC Cariappa leh Mohit Jangra te chuan wicket hnih ve ve lain captain Bobby Zothansanga leh K. Vanrotlinga ten mi pakhat ve ve an vawm hlum bawk. 

Mizoram tan umphak tur hautak a ni lo va, opener Agni Chopra chuan ball 47 a hmachhawnah run 56 siamin a tawp thlengin a thi lo va, Mizoram tan umphak tur hautak a ni lo va, opener Agni Chopra chuan ball 47 a hmachhawnah run 56 siamin a tawp thlengin a thi lo va, phu takin Man of the Match lawmman a hlawhchhuak a. Joseph Lalthankhuma’n run 26 thawh bawkin mi pali an thihah harsa lo takin, ball 16 hmang bangin hnehna an chang a ni. 

Meghalaya tan Anish Charak chuan Mizoram batter pathum zet vawm hlum mah se a thianten an puih that tawk loh an tuar a ni.

Mizoram hi Syed Mustaq Ali Trophy-ah hian an group-a team pariat zinga pasarihna an ni mek a, pre quarterfinal lut thei dinhmunah an ding tawh lo va; Ningani chawhnu hian an hmabak hnuhnung ber tur, Hyderabad an hmachhawn leh ang.

SCORE CARD

Meghalaya won the toss & elected to bat

Meghalaya 111/8 (20 overs)

J. Sachdeva - 68 (55)

L Sangma - 11 (21)

KC Cariappa - 2/7 (4 overs)

Mohit Jangra - 2/18 (4 overs)

Mizoram 112/4 (17.2 overs)

Agni Chopra - 56* (47)

Joseph Lalthankhuma - 26 (28)

A. Charak - 3/31 (3 overs)

Mizoram won by six wickets