ZALEN December 9, 2025; Vawiin Thawhlehni atanga tanin December ni 14, 2025 (Pathianni) thleng awh tur Synod Inkhawmpui vawi 102-na chu Zarkawt Kohhran Biak Inah neih tan a ni.

Synod Inkhawmpui neih tanni, chawhma dar 9:30 atang khan Nomination Committe an thu tan a, tlai dar 4 thleng a awha. Zan dar 6:30-ah vantlang Pathian biak inkhawm neih a ni a, hetah hian inlawmna leh Kohhran chanchin report ngaihthlak a ni.

December 10, 2025 (Nilaini) zing dar 9:30 atangin Synod Rorel tan a ni ang.

Tun tumah hian general agenda 43 awmin, SEC/Boards atanga thu lut eng emaw zat a awm bawk.

Synod Rorel hian December 13, 2025 (Inrinni) thleng a awh ang.

Kumin Synod Inkhawmpui thlarau lam thupui chu 'Chhuan tur dik' (Gal. 6:14) a ni a, December 13 (Inrinni) zanah Rev. Dr. H. Vanlalruata, Chanmari-in thupui a sawi ang.

December 14, 2025 (Pathianni) chawhma chu Pastor nemngheh leh Pro. Pastor ruat inkhawm a ni ang a. Chawhnu ah Lalpa Zanriah Sakramen inkhawm neih a ni ang a, zan inkhawmah Moderator valedictory sermon ngaihthlak a ni ang.

Synod Inkhawmpui hi kum 2010 atang khan bial-in an thleng tan a, kumin 2025 hian Dawrpui Pastor bialin Zarkawt Kohhran Biak Inah an thleng a ni.