Aizawl; Thawhtanni khan Synod Officers’ Room-ah OM Meeting neih a ni a, he meeting-ah hian Bialin Kohhran din nghehna sum an dilte ngaihtuah a ni a, tun tumah hian dilna hrang hrang zingah Biak In sak chhunzawm ngaite chu ngaih pawimawh bik deuh an ni. OM hian Mizoram chhunga Kohhran 31 hnenah Kohhran dinnghehna pek a remti a, Manipur Area lama Kohhran 12 hnenah Kohhran dinnghehna pek a ni bawk. Synod hian Kohhran leh Bial tanpui ngai – Biak In sakna emaw, a hmun leina emaw lama harsatna neite tanpui nan “Kohhran Din Nghehna” tiin Budget-ah sum eng emaw zat dah a, hemi atang hian Kohhran leh Bial tanpui ngaite tanpui thin a ni a, kumin April thla khan Kohhran 40 hnenah he tanpuina hi a lo pe tawh bawk a ni.