Aizawl August 27, 2024: Vawiin khan Syria rama hnathawka awm harsatna tawk, Mizoram sawrkarin tun hnaia a hruai haw te chuan Chief Minister Lalduhoma chu a office-ah an hmu a, lawmthu an hrilh.

Chief Minister hian dam taka an rawn haw theih avangin a lawmpui thu a lo hrilh a. Mizoram sawrkar chuan khawvel hmun hrang hranga Zofate hui khawma a tul ang zela tanpuitu tur Mizo Diaspora Cell an din a, data an la khawm mek a, anmahni rawn be pawptu pawh an awm nual tawh a ni, tiin sawrkar ruahmanna tlangpui a lo hrilh a ni.

Chhanchhuah te hian an lawmzia hi an sawifiah thiam lova, rilru zawng zawngin lawmthu an sawi a ni, tiin Chief Minister hi Lukhum an pe a ni.

Syria atanga chhanchhuah te rual hian India ram chhunga harsatna tawk nula pakhat, tun hnaia chhanchhuah pawh a tel ve bawk.

Mizo Diaspora Cell member Lalremsangi Fanai chuan heng chhanchhuahte hi CM hi a hmuhpui a ni.