Aizawl November 22, 2024 : Union Sports Minister Dr. Mansukh Mandaviya chuan tunkar tir lam khan 'Viksit Bharat Young leader Dialogue' tih program a awm tur thu a puang a, January ni 11 leh 12, 2025 a National Youth Festival a neih tur ni. Sports and Youth Services, Govt. of Mizoram chuan he hunah hian Mizo thalai a tam thei ang ber tel turin an sawm.

He Viksit Bharat Young Leader Dialogue - National Youth Festival 2025 hi a tel duh tan kimchang takin My Bharat Platform (https://mybharat.gov.in/)-ah hian a en theih a ni.

'Viksit Bharat' hi a awmzia chu 'Developing India' tih niin PM hmathlir ti hlawhtling tura tangkaina lo thawh ve theih dan haichhuah a ni. He programme-in a tum ber chu thalai kum 15-29 inkar ram pum huapa thalai fing fel zawk crore khat (1) tal nen in inthlunzawmpui a, he hmathlir ropui tak ‘Developing India' 'Viksit Bharat' challenge a preliminary round atanga main event pui ber Bharat Mandapam, Delhi a neih tura an telve theuh theih nana hmalak a ni.

He Viksit Bharat Challenge Round 1 ah hian ram pum huap digital quiz competition neih a ni anga, chu hun atan chuan ni 25th November atanga 5th December, 2024 inkar hi ruat a ni a, thalai kum 15-29 inkar a duh duh tan tel theih a ni. He hun hi Mera Yuva Bharat (My Bharat) platform lam atanga host a ni anga, he round ah hian India's Landmark Achievements tih thupui hmangin participants te knowledge fiahna neih a ni dawn a ni.

He quiz competition a winner te hian round thum (3) dang paltlang tur an la nei dawn a, essay writing/blog writing competition an hmachhawn ang a. State level 'Viksit Bharat Vision' presentation nen, chumi zawhah chuan National Championship ah kai chhovin State Level Winner zawng zawng te chu Bharat Mandapam hmunah rampum huap intihsiakna ah an tel dawn a ni.

The Viksit Bharat Young Leader Dialogue, National Youth Festival 2025 a awm tur hian thalai tamtak a ko khawm dawn a, hlawm lian tak tak chi thum atangin an rawn kalkhawm dawn a ni. Group khatna (1) chu Viksit Bharat Challenge atanga winner te an ni a, group hnihna (2) na te hi district leh state level painting competition te, science exhibition te, cultural lama intihsiakna a ti tha te leh thusawi (speech) intihsiakna lama winner te kha an ni dawn a ni. A group thumna (3) na te hi sumdawnna lam emaw, Sports emaw, Agriculture lam emaw technology lamah te mahni line theuh a mi chungnung leh thiambikna nei mahni line a mi langsar te an ni dawn a ni.