Aizawl: Electric bill pek dan thar Pre Payment Metering System (pre paid meter) hmang turin Mizoram sawrkar chu a inbuatsaih mek a, hmantheih anih chuan eng chhit man atanga sawrkar sum hmuh a tam phah beisei a ni. Joint Electricity Regulatory Commission (JERC) for Manipur & Mizoram thawktute hnen atanga Zalen thudawn danin Pre Payment Metering System hi mobile phone a pre paid system ang deuhin mahni mamawh tawk nia chhungkua in an hriat ang kha leiin an hman zawh dawnah an mamawh ang tawk nia an hriat kha an lei (top up) leh mai thin dawn a ni. Pre paid meter hi hman anih chuan contracted load aia sang current a hman theih dawn loh a, meter reading la tur emaw bill pe lote current tihtawp sak emaw tihnun leh sak tura P&E department mi leh sa intirh kher a ngaih dawn loh avangin he lama department sum hloh leh hman a tlem phah hle beisei a ni. Consumer tana pre paid thatna Bill pe tura intlar a ngai lo Inren thiamin awmzia a nei Meter reading lak a ngaih dawnloh avangin phunnawina a bo ang Consumer ten hun reitak daih tur an lei lawk thei Connection lak dawnah security dah a ngai tawh lo