ZALEN January 20, 2026: NEEPCO (North Eastern Electric Power Corporation, Govt. of India Undertaking) chuan vawiin khan Govt. T. Romana College hnenah zirlaite mamawh bus thar an hlan.

Bus inhlanna hun hi Govt. T. Romana College ah hman a, NEEPCO a thawktuten College Campus ah an hlan a, Principal leh thawktuten an dawng. 

Inhlanna hunah hian Dr Jenifer Lalbiakdiki, Principal chuan thu sawiin NEEPCO Office a officer ten an dilna ngaipawimawha engkim an buaipui avanga an lawm zia te, MP (Lok Sabha) Richard Vanlalhmangaiha’n theihtawp a chhuahpui avanga an lawm zia te a sawi. 

Bus thar hi NEEPCO ten CSR (Corporate Social Responsibility) 2025-2026 atanga an lei Cheng nuai 23 lakhs man a ni.