Aizawl: Chapchar Kut chhim tura Aizawla lokal, Taipei Economic & Cultural Centre, New Delhi a Representative Chang Kwan Tien leh a thawhpuite chuan Chief Minister Lal Thanhawla chu Zirtawp zan khan a chenna bungalow-ah hmuin an inkawm. Taipei palaite leh Chief Minister te hian induhsakna thilpek an in hlan ve ve a, Chief Minister hian an pualin zanriah a buatsaih sak a ni. Chief Minister hi a nupui Lal Riliani bakah Pu Ronald Sapa Tlau, MP(RS) ten an tawiawm a ni. Zirtawp tlai vek khan Chief Minister hi Lt.Gen. Bipin Rawat,GOC 3 Corp, Dimapur in a hmu bawk a, inkawmna hun tha tak an nei bawk a ni. Sipai lal hi Brig.T.C.Malhotra, DIG, 23 Sector Assam Rifles in a tawiawm bawk a ni.