Mithiamte chuan taksa sawi zawi hian thla ruk chhung lek pawhin rilru leh ngaihtuahna a tichak thei niin an sawi.   

A tawk chauha taksa sawi zawi hian tihrawl a tichak a, lung leh diabetes pawh nasa takin a veng thei. Taksa hriselna chauh a thlen lo a, rilru leh ngaihtuahna thlengin a tichak thei a ni. Dr. Scott McGinnis, Harvard Medical School chuan taksa sawi zawiin rilru a tihchak theih dan chungchang hi a tarlang a, exercise lak that chu taksa leh rilru thlengin kawng engkimah a tha tih a sawi. Science thiamna atang pawhin hei hi a dik tih a sawi a, cardiovas­cular disease, cancer, diabetes leh natna dang dang pawh a veng thei tih a sawi. 

Dr. McGinnis chuan, "Taksa sawi zawi hi a tha tak zet a, thla ruk chhung lek pawhin a lang chhuak thei. Taksa tan hriselna a ni a, rilru a tichakin ngaihtuahna thleng pawhin nasa takin a pui thei. Kan rilru put hmang leh mut dan bakah, stress leh anxiety thlengin a veng thei a ni," a ti. 

Tun laia natna lar leh mi tam takin an thihpui stroke laka inven nan pawh taksa sawi zawi hi a tha hle. US-ah chuan stroke hi natna tihbaiawm ber zinga mi a ni a, an ram mipui ten an thihpui tam natna zingah pangna a ni phak hial.