September 29, 2023; Central jail atanga tang tlanchhuak, Johan M Hnamte chu Guwahati ah man niin, Mizoram thlenpui tawh a ni.

ZALEN thudawn danin, Johan M Hnamte hi Central jail, Aizawl a tang niin, ni 26.8.2023 tlai dar 6 rik hma deuh khan an in entir haw lam chu tlan chhuakin, a theih ang anga zawn a nih hnuah Guwahati ah man a ni.

Johan M Hnamte hi Guwahati ah Assam police ten an man a, Mizoram police te nen an inbiak hnuah amah ngei a ni tih finfiah niin, Mizoram police te Guwahati ah an kal a, nizan khan Aizawl rawn thlenpui niin, Vaivakawn PS ah he thu ziahlai thleng hian kawl a la ni.

Amah hi ruihhlo vanga man niin, Civil hospital, Aizawl a an entir haw lam, Jail an pan laiin Vaivakawn ah ambulance atanga zuang thlain a tlanbo zui a ni.