April 21, 2023; Nimin tlai dar 4:30 bawr vel khan tunhnai a Lunglei district jail atanga tang tlanchhuak nia hriat mi pathumte'n Thingkah leh Thingfal inkarah Bolero camper ti dingin, a chuang (hnam dang pahnih) kut an thlak bakah, an pawisa leh bag/wallet te an laksak a, heng mi pathumte hi chhuizui nghal nimahse, an chin hriat a ni chhunzawm rih lo.

Thingkah Branch YLA hruaitute hnen atanga ZALEN thudawn danin, he thil thleng hi an hriat ve leh Thingkah YLA te chuan a hmun an pan nghal a, nizan lamah te a theih ang ang a zawn chhumzawn a nih bakah khawchhung a lirthei te an endik nghal bawk.

Bolero camper a chuangte Lawngtlai a dawr nei an ni a, Lunglei jail atanga tlanchhuakte thlalak entir an ni a, an zinga pakhat chu tang tlanchhuak ngei a ni tih an hre thei a, midang pahnihte erawhin an hmai an tuam avangin an chiang thei lo thung. Hetichung hian tang tlanchhuak an ni ngei a hriat a ni.

Tarlan tawh angin, tang tlanchhuak panga zinga pahnih, Lalbawihliana leh Dokapthang te chu nizan dar 8:15 vel khan Mausen YMA ten an lo man tawh a, midang pathum, Lalchawimawia (23) s/o Piangthiaua, Thangte, Lunglei district, Haudeihchhun (25) s/o Tualneihthang, Tlangnuam, Champhai district leh Vanneihthanga (38) s/o Hrangtawia, Leisen, Myanmar te pawh hi man ngei turin police lamin hmalakna ngawrh takin an kalpui chhunzawm zel a ni.