ZALEN December 14, 2025 : Inrinni tlai dar 5 vela MZU Field thlang deuha a ruang an hmuh Marina Lalchhanchhuahi, kum 26, Tanhril chu Post Mortem te tih zawh a nih hnuah vawiin dar 1:00 khan vuiliam a ni.

Marina thihna chungchangah hian Zonuam Police Out Post lam chuan engmah thu chiang sawi tur a la awm loh thu ZALEN an hrilh. Marina-i hi a bona a rei deuh tawh avangin a ruang hi a chhe nasa tawh a, ruang hmuh a nih thu hi Police hriattir nghal a ni a, Forensic mi thiamten an endik bawk a ni.

December ni 1, 2025 atanga khan Marina Lalchhanchhuahi (26),Tanhril hi chin hriat lohvin a bo a, a bialpa pawh Police-in thu zawhfiah atan an la nghal a, mahse, he thu buatsaih lai thleng hian engmah finfiahna tur a la awm lo. A ruang hi a chhe viau tawh a, a lu bung ang leh a ban pawh bung anga sawi chungchangah Police lam chuan hetiang hi a ni lo niin an sawi.

Marina-i hi December 1, 2025 chawhma dar 11 vel khan an In atangin Ramrikawn-a kal tura a chhuak chu a chin hriat lovin a bo a, nimin khan MZU field thlangah hian ram kal ten an hmu a ni.hemi hnu hian a chin hriat zui a ni ta lo a ni.