ZALEN September 4, 2025 : Tanhril Branch YMA Executive Committee chuan nimin tlai khan an huamchhunga Saphaizawl lui (Pu Zo-a Vâu) ah Chakai vak chhuak an awm thu report dawn bawhzuiin Chakâi hi hrâi ngei ni a a lan avangin rang takin an bawhzûi nghal a.

Saphaizawl lui dung zawh thlain hnuhmâ enfiah a ni a, Zan dar 7:30 vel khan lui dungah mi pahnih hmuh an ni a, an ni hi thu zawhfiah an nih bakah an Chakai mante enfiah a ni a, Tûr hmanga an man ngei a ni tih an inpuang ta a ni. 

Lui hrâitute hi - Vanlalngaihawma S/o C. Ramherliana, Kum - 29, Taitesena Section, Bethlehem Vengthlang leh Lalruatsanga S/o Lalnundangi, Kum - 29, A Section, Armed Veng te an ni. An pahnih hian Police kutah pek an ni.

Branch YMA hian August 14 khan Saphaizawl lui hrâi a nih thu report a lo dawng tawh a, hemi ṭum hian a hrâitu ni a rinhlelhte enfiah an ni a, Chakai an man loh avang leh YMA Hruaituten lui dung zawha an enfiah hnua rinhlelhawm an hmuh loh avangin thubuai ziah luh a ni ta lo a ni.