A larin a hausa bawk a, thil tha pawh a tinasa hle - Taylor Swift chuan vanduaina tawk lusun chhungte hnenah US dollar nuai khat ($100,000) zet a hlan. 

Tun hnai khan Kansas City Chiefs chuan Super Bowl-ah hnehna an chang a, a lawmna kawng zawh pui tham tak buatsaih a ni. He kawngzawha tel hmeichhe pakhat chu kahhlum a ni a, lainattu a ngah hle. Vanduaina tawk hi kum 43 mi Kansas City radio DJ Lisa Lopez-Galvan a ni a, Nilaini khan Union Station, Kansas City, Missouri-ah kawng an zawh laiin kahhlum a ni. A fate pahnih a kalsan a, a chhungte tanpui nan Taylor Swift chuan $100,000 a hlan a ni. 

Taylor Swift hian Super Bowl khelh zawh takah khan a bialpa American football player Travis Kelce a tawiawm a, a khelhna team 

Kansas City Chiefs te hian hnehna changin an lawm hle. A lawmna kal zelah vanduaina a thleng ta thung a, Taylor Swift leh Travis Kelce te pawh hi vanduaina tawk chhungkaw tan hian an luang chhuak zui zat a ni. 

Silai puak avanga mipui inpawng neknaah hian mi 21 an hliam a, a tam zawk hi kum 16 hnuai lam an ni nghe nghe.